भारत की संस्कृति के लिए... भाषा की उन्नति के लिए... साहित्य के प्रसार के लिए
भावे ना एको गहनमां / ब्रह्मदेव कुमार
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:17, 2 मई 2019 का अवतरण
भावै नै एकोॅ गहना सजना, सिलौठ हमरा मंगाय देॅ हो।
शिक्षा से शोभतै तन मन सजना, किताब हमरा मंगाय देॅ हो।
चुनरी-लहंगा मनहुँ नै भावे
ललका फुदनमां जुट्टी ना भावे।
नै पिन्हबै हाथों में कंगन सजना, सिलौठ हमरा मंगाय देॅ हो।
पढ़भै-लिखबै हम्मेॅ, खुशी मनैबै
छोटोॅ परिवार सेॅ, घोॅर सजैबै।
दूर करी अंगुठा निशान सजना, सिलौठ हमरा मंगाय देॅ हो।
भाय-बहिन, बच्चा-जवान
संग-संग पढ़बै, दैकेॅ धियान।
देशोॅ केॅ बनैबै महान सजना, सिलौठ हमरा मंगाय देॅ हो।
साक्षरता अभियान सेॅ सीखबै सब गियान
पढ़भै-लिखबै हम्मेॅ सब मजदूर-किसान।
रहबै नै मूरख नादान सजना, सिलौठ हमरा मंगाय देॅ हो।
जागलोॅ देशोॅ के शिक्षा छै पहचान
एकता-अखंडता सें होतै देश महान।
पोसी राखबै मन में ई भाव सजना, सिलौठ हमरा मंगाय देॅ हो।
