जय बोलोॅ-जय बोलोॅ जय मैया भवानी के जय बोलोॅ।
जगतारणी मैया के जय बोलोॅ,
भवतारणी मैया के जय बोलोॅ॥
जय अम्बे माँ जगदम्बे माँ, जय माँ जनकल्याणी
जय माता दी शेरा वाली, जय माँ दुर्गेभवानी।
मैया के जय बोलोॅ॥
हाथ में शोभे खड्ग-त्रिशुल आरो मैया सिंह पेॅ सवार
असुरोॅ केॅ संहारे वाली, शक्ति केरोॅ अवतार।
मैया के जय बोलोॅ॥
लाल परिधान मेॅ शोभित मैया, भाल पेॅ टीका लाल
लाले-लाले होठवा, लाले-लाले अँखिया, मैया लाले-लाल।
मैया के जय बोलोॅ॥
अस्त्र-शस्त्र सेॅ सजी केॅ मैया, करै जबेॅ हुंकार
धरती-अम्बर डगमग डोलै,होलै जग-संसार।
मैया के जय बोलोॅ॥
करूणामयी दयालू मैया, सबके करै उद्धार
बड़ी दिलवाली, ममतावाली, सबके सुनै पुकार।
मैया के जय बोलोॅ॥