सागर के कोख से लाके बदरा अमरित बरसाबे हे,
छटा देख-देख अम्बर के मोर मन हरसावे हे।
देख कजरिया नाच रहल हन वन में झुमझुम मोर,
ठंढ़ा-ठंढ़ा मार रहल हन फर-फर पुरवइया जोर,
डगर तलइया में सज झिंगुर दादुर गीत गावे हे,
सागर के कोख से लाके बदरा अमरित बरसाबे हे।
हरियर चुनरी पेन्ह के बनगेल ई धरती महरानी
पीउ-पीउ गा रहल पपीहरा पी के मीठा पानी
भगजोगनी भुक-भुक करके सारी रात सेज सजावे हे
सागर के कोख से लाके बदरा अमरित बरसाबे हे।
बाग-बगयचा डगर-नगर में कइसन सफर सुहानी
चंदा संग नुक्का-चोरी खेले पर्वत पर निछावर जवानी
चमचम चमचम चमक बिजुरिया जीया धड़कावे हे
सागर के कोख से लाके बदरा अमरित बरसाबे हे।