भारत की संस्कृति के लिए... भाषा की उन्नति के लिए... साहित्य के प्रसार के लिए
माटिक गाड़ी / पंकज पराशर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:30, 16 जुलाई 2019 का अवतरण ('{{KKGlobal}} {{KKRachna |रचनाकार=पंकज पराशर |अनुवादक= |संग्रह= }} {{KKCatMai...' के साथ नया पृष्ठ बनाया)
दिवारी थानक मेला मे
हम कीनैत रही
माटिक गाड़ी
माटिक जाँत
साओन मासक पूर्णिमा मे
मोन पड़ैत रहैत अछि
दिवारी थानक मेला मे हेरायल वस्तु
हेरायल-भुतियाएल लोक
कतेक बरख सँ
उसरल अछि दिवारी थान
कतय भेटत आब
माटिक गाड़ी
माटिक जाँत
आइ फेर
मोन पड़ैत रहल बेर-बेर
मृच्छकटिकम पढ़ैत
माटिक गाड़ी
माटिक जाँत
