भारत की संस्कृति के लिए... भाषा की उन्नति के लिए... साहित्य के प्रसार के लिए
देशद्रोही ले दुर्दशा / गिरिवरदास वैष्णव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:57, 2 अगस्त 2019 का अवतरण ('{{KKGlobal}} {{KKRachna |रचनाकार=गिरिवरदास वैष्णव |अनुवादक= |संग्...' के साथ नया पृष्ठ बनाया)
तिनकर कुल मा पैदा होके
अंगरेज मन के गयेन शरन ।
उन्हीं ला भाई बापू बनाके
ऊखरे सेवा हमीं करन ।
ऊंकर जूठा काटा खाके
जी हुजूर हम बने रथन
ऊंकरे मुंह ला जोहत जाके
हम बगला में खड़े रथन।
अपने देश भाई मन के
चूंदी ला उनला परा दिएन ।
खुरसी पाये के लालच मा
गरुवा बैला कटवायेन ।
मंदिर घलों के भेद बताके
बोहू मा टिक्कस लगवायेन ।
चीज स्वदेशी नइ लेके, भारत
ला कगला करवायेन ।
माल विदेशी अउ विलायती
लेके नकटा कहलायेन ।
हमर देश के माल खजाना
एको बांचे नइ पाइस ।
लेग लेग के सकल चीज ला
विलायत मा भरवाइस ।
अंगरेजवा मन हमला ठगके
हमर देश मा राज करय ।
हम कइसे नालायक बेटा
ऊंकरे आदर मान करय ॥
