भारत की संस्कृति के लिए... भाषा की उन्नति के लिए... साहित्य के प्रसार के लिए
छतीसगढ़ ल राज बनाओ / माखन लाल तंबोली
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:43, 5 अगस्त 2019 का अवतरण ('{{KKGlobal}} {{KKRachna |रचनाकार=माखन लाल तंबोली |अनुवादक= |संग्रह=...' के साथ नया पृष्ठ बनाया)
नया लहू के मांग इही हे,
छतीसगढ़ ल राज बनाओ ।
बाहिर ले आए हरहा मन,
कतेक चरिन छत्तीसगढ़ ल ।
बाहिर ले आये रस्हा मन,
चुहक डरिन छतीसगढ़ ल ।
शोमन के फादा ल टोर के,
छतीसगढ़ ल चलो बचाओ ।
कतेक हवस सब शहर गाँव म,
शोषन के अबड़ बाजार इहां।
भूख प्यास के सब बस्ती म,
नवा क्रांति के सुरूज़ उवाओ।
हमरे वर हमरे भुइयां म,
भुखमरी अऊ बेकारी है ।
बईमान मन के अब इहां,
भ्रष्टाचार एक्केदारी हे ।
ये भूइयां के सब सपूत मन,
अब तो जागो अऊ जगाओ ।
