भारत की संस्कृति के लिए... भाषा की उन्नति के लिए... साहित्य के प्रसार के लिए
तैहा खेत जा / देवनारायण शर्मा
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 21:21, 12 अगस्त 2019 का अवतरण ('{{KKGlobal}} {{KKRachna |रचनाकार=देवनारायण शर्मा |अनुवादक= |संग्रह...' के साथ नया पृष्ठ बनाया)
खेती किसानी तोर करम ये तोर नसीव ये बेटा
चल धार ले नांगर रे, तैहा खेत जा।
झगरा के बंजर भुइंया में, सुनता के धान उगावे।
रास्ता के कांटा ला वीन के, मया के फूल लगावे॥
तै माया के बादर रे, तैहा खेत जा।
दुनिया के सेवा करवे तै, देश के लाज बचवे।
खून पसीना तैहा बोल के, सब ला अन्न खवावे ॥
तोर हिरदे सागर रे, तैहा खेत जा।
दुनिया हा मुंह जोहत हे, धार ले नांगर तुतारी।
सोना जइसे धा लगा ले, तै भुइंया के पुजारी॥
नई थकय ये जांगर रे, तैहा खेत जा।
