भारत की संस्कृति के लिए... भाषा की उन्नति के लिए... साहित्य के प्रसार के लिए
रेज़ा / सुशील भोले
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:51, 14 अगस्त 2019 का अवतरण ('{{KKGlobal}} {{KKRachna |रचनाकार=सुशील भोले |अनुवादक= |संग्रह= }} {{KKCatChh...' के साथ नया पृष्ठ बनाया)
चौड़ी आए हौं जांगर बेचे बार, मैं बनिहारिन रेजा गा
लेजा बाबू लेजा गा, मैं बनिहारिन रेजा गा...
सूत उठाके बड़े बिहन्वे काम बुता निपटाए हौं
मोर जोड़ी ल बासी खवाके रिकसा म पठोए हौं
दूध पियत बेटा ल फेर छोड़ाए हौं करेजा गा
लेजा बाबू लेजा गा, मैं बनिहारिन रेजा गा॥
बेरा उवत के खड़े-खड़े देखत हावौं मैं मालिक
मुंड म आगे सूरज नारायन ले जा तैह ए मालिक
जांगर बाबू लेजा ग, मैं बनिहारिन रेजा गा॥
बनी बिना तो ए बनिहारिन रहि जाही लांघन
मैं नइ खाहूं त मोरो पिलवा कइसे पाही जेवन
मोर जोड़ी तो अपन कमई के नइ देवय एक बीजा गा
लेजा बाबू लेजा गा, मैं बनिहारिन रेजा गा....
