भारत की संस्कृति के लिए... भाषा की उन्नति के लिए... साहित्य के प्रसार के लिए
अयोध्या / महेंद्र कुमार ठाकुर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 14:11, 19 अगस्त 2019 का अवतरण ('{{KKGlobal}} {{KKRachna |रचनाकार=महेंद्र कुमार ठाकुर |अनुवादक= |सं...' के साथ नया पृष्ठ बनाया)
1.
वो हर
जोन क़तल हुइस
बेटा रहिस कखरो
हाथ काटे गइस जेकर
मनखे रहीस
लुटिस इज्जत
जेखर बेटी के
तीन बाप रहिस
फूटिस चूड़ी जेकर
जोड़ी रहिस कखरो
उजाड़िस जेखर कोख
महतारी रहीस सबके।
2.
रोज बिहनिया
जोन आवाज दे
बलाये मोला
मिलावत रहिस हाथ
लगत रहिस टोटा ले
आज घलो
वो हर
संकरी ला खटखटाइस
मोला
मोर नाव ले के बलाइस
तहां ल फेर
सोचे लंगेव में
का हे मितान के ज्ञान
वोकर धरम
में ह डरा गेंव
औ
ठोठकिस मोर हांथ
मोर मितान के
चकराये
मया भरे आंखी मा
भर जाथे कोनो डर
3.
सिराथे
जोन मेर
मंदिर
राम ह
शुरुबाथे वो मेर ले
सिराथे
जोन तिर राम
मस्जिद
शुरुवाथे
वो मेर ले
4.
रोज बिहनिया
इसकुल भेजत
कहत रहिस महतारी
करेजा
बने मन लगा के पढ़बे
अब कहिथे दाई
करेजा
थोड़कुन सम्हल के
इसकुल जाबे
छुट्टी होही तहां ले
सोझ घर आबे |
