भारत की संस्कृति के लिए... भाषा की उन्नति के लिए... साहित्य के प्रसार के लिए
बेरा में जतन-जुगती / पीसी लाल यादव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:30, 26 अगस्त 2019 का अवतरण ('{{KKGlobal}} {{KKRachna |रचनाकार=पीसी लाल यादव |अनुवादक= |संग्रह=मै...' के साथ नया पृष्ठ बनाया)
चंदा के बुड़ती, सुरूज के उगती,
कर ले बेरा म जतन-जुगती।
घोंधरा छोड़ चिरई उड़े
अपन पाँखी पसारे।
सुरूज के सुवागत करे
चींव-चींव जय-जोहारे॥
बिन महिनत के नई होय मुक्ती।
कर ले बेरा में जतन-जुगती॥
झुरुर-झुरुर झिरिया झर,
देवत हवय सन्देसा।
बिरो बिना बिसराम कहाँ?
चाहे करो कुछु पेसा॥
जांगर बांध ले करम के गुपती।
कर ले बेरा म जतन-जुगती।
सुरुर-सुरुर पुरवाही ह
गिंजरे चारो डहर।
मुच-मुच हाँसे फुलवा
करय माहर-माहर॥
रक्सहूँ-भंडार अउ उगती-बुड़ती।
कर ले बेरा म जतन-जगती।
