भारत की संस्कृति के लिए... भाषा की उन्नति के लिए... साहित्य के प्रसार के लिए
रावण (दो) / पूनम चंद गोदारा
Kavita Kosh से
आशिष पुरोहित (चर्चा | योगदान) द्वारा परिवर्तित 10:25, 8 दिसम्बर 2019 का अवतरण ('{{KKGlobal}} {{KKRachna |रचनाकार=पूनम चंद गोदारा |अनुवादक= |संग्रह=...' के साथ नया पृष्ठ बनाया)
रावण नै
बाळणो सईकां स्यूं
चालतौ आयौ
रिवाज है
सालीणा ईं दिन लाखूं
फोरी रावण बळै
करोड़ू लोगां री साखी में
पण
ईं समाज मांय
ईं मानखै मांय
छिप्या बै असली रावण !
जिका नित करै है
बिंया ई सीतावां रौ हरण
दिन दहाड़े
साव चौघड़दै !
बाळीज्या है कदै बै रावण !
