भारत की संस्कृति के लिए... भाषा की उन्नति के लिए... साहित्य के प्रसार के लिए
मधुमास आईल / सुभाष चंद "रसिया"
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 13:59, 27 मार्च 2020 का अवतरण ('{{KKGlobal}} {{KKRachna |रचनाकार=सुभाष चंद "रसिया" |अनुवादक= |संग्रह...' के साथ नया पृष्ठ बनाया)
मधुमास आईल खिल गइले मनवा।
चारो तरफ आज गमके सुमनवा॥
अमवा मउर गइले महुआ कोचाइल।
फुलवा पर भवरा बाटे घोरियाईल।
खुशियाँ से भर गइले सगरी जहांनवा॥
मधुमास आईल खिल गइले मनवा॥
पेड़वा कि डलिया पर कुहुके कोयलिया।
सेहरा सजावत बाने माई के पूजरिया।
गमगम गमकेला अब सगरी अंगनवा॥
मधुमास आईल खिल गइले मनवा॥
सरसो फुलाइल सबका मन पियरॉइल।
खेतवा में गेहुआ के बाल गदराईल।
मधुबन में बिहसेला आज हो पवनवा॥
मधुमास आईल खिल गइले मनवा॥
हवा लाग गइल मधुमास के ये रसिया।
केतनो भुलाई त बिसरे ना बतिया।
खिल गइल कालिया सगरी चमनवा॥
मधुमास आईल खिल गइले मनवा॥
