क्यानभासको बलियो किनारा / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » नृशंस पर्खालहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अपदस्थ सपनाहरूका जेलबाट
मूक्त गर्दै
चिसा रातहरू
उदाश दिनहरू
रगतका रापिला प्रतिबिम्बहरूले
नमेटिने इतिहास लेखिरहेछ- चक्रपथ
 
साँगुरा गल्लीहरूमा
काँढेतार लगाएर
रोकिँदैन यसको यात्रा
रक्तिम आकाशमुनिको चौडा छातीमा
आहत इतिहास पल्टाइरहने
स्वतन्त्र गति हो- चक्रपथ
 
तिम्रा पाइलाहरू
खम्बा भएर टेकिनुपर्छ
तिम्रा आवाजहरू
क्षेप्यास्त्र भएर पड्किनुपर्छ
गोलीको निरीह- नपुंशकतामा
भुकिरहेका सिकारी कुकुरहरू छेऊ
नरसिंह अवतार भएको छ – चक्रपथ
 
नयाँ युगको पथप्रदर्शक
आमूल परिवर्तनको उद् घोषक
रगतको अभिलेखमाथि उभिएर
सहिदहरूको सपना पर्खिरहने
क्यानभासको बलियो किनारा हो- चक्रपथ।