मन त कतै चोरिएछ / दैवज्ञराज न्यौपाने

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

दैवज्ञराज न्यौपाने » मायाप्रीतिका छालहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

यो बैँसालु वसन्तमा छाया मेरो छरिएछ
जतन गरी राखेँ भन्थेँ मन त कतै चोरिएछ ।

चोरी गर्ने को हो कुन्नि कतै किन देखिएन
हेर्दा सबै उस्तै लाग्छ आफ्नो भन्ने भेटिएन
सम्झन्छु म सबैलाई सम्झिएन माया किन ?
जतन गरी राखेँ भन्थेँ चोरिएछ त्यसै दिन ।

मनै न हो पिरोलिन्छ एकान्तमा त्यसै पनि
के भनेर दोष दिऊँ चोरी गर्ने यै हो भनी ?
कहाँ लुक्यो कुन्नि कता ? स्वप्नसम्म देखिएन
जतन गरी राखेँ भन्थेँ चोरिएछ त्यसै किन ?

आज पनि पर्खँदैछु फर्किएर आए हुन्थ्यो
सपनामा देखे पनि पर्खिएर पाए हुन्थ्यो
अझै पनि लुक्छ किन? छायाँसँगै छरिएछ
जतन गरी राखेँ भन्थेँ तै पनि त चोरिएछ ।