Last modified on 29 अप्रैल 2020, at 11:16

हाम्रा अमर सपनाहरू / दैवज्ञराज न्यौपाने

Sirjanbindu (चर्चा | योगदान) द्वारा परिवर्तित 11:16, 29 अप्रैल 2020 का अवतरण ('{{KKGlobal}} {{KKRachna |रचनाकार=दैवज्ञराज न्यौपाने |अनुवादक= |संग...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)


१.
आखिरी यो घर पनि त माटाकै न हो
भत्कन्छ एक दिन जगै नरहेर
यो प्राण पनि त हावाकै न हो
फुस्कन्छ एक दिन दमै नरहेर,
अनि यी हाम्रा दिनहरू जानेछन्
पानीमा नून बिलाएझैँ
अनि यी हाम्रा क्षणहरू जानेछन्
घाममा शीत बिलाएझैँ
तर,
यी हाम्रा अमर सपनाहरू रहनेछन्
ढुङ्गामा खोपेका अक्षर रहेझैँ
र हिमालमा हिउँ रहेझैँ।

२.
भोलिका सयौँ सपनाहरूलाई सँगालेर
म आजै आइदिनेछु
तिमी प्यासले नतड्प अब
म नै पानीपानी भइदिनेछु।