म पनि त मानिसै हुँ / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » थुँगा : वनफूलका »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

सधैँभरि आँधीबीच अटल भै रहन
म पनि त मानिसै हुँ गाह्रो हुन्छ सहन
 
धेरैचोटि हुरी चल्दा छातीभित्रै लुकाएथेँ
मनको बाँध फुट्न खोज्दा परेलीमै सुकाएथेँ
सधैँभरि बाधा फुकाई एकैनासले बहन
म पनि त मानिसै हुँ गाह्रो हुन्छ सहन
 
तिम्रो संसार डग्मगाउँदा मूलजरो भै थामिरहेँ
भर दिँदा अरूलाई भित्र आफू कामिरहेँ
नदेखाई पीरहरू सधैँ हाँसिरहन
म पनि त मानिसै हुँ गाह्रो हुन्छ सहन
 
सिसाजस्तो मन टेकी हिँड्नेलाई बाटो दिएँ
ढुङ्गा जति आफैँ लिई नबिझाउने माटो दिएँ
चर्के पनि नचर्के झैँ मूर्ति बनी रहन
म पनि त मानिसै हुँ गाह्रो हुन्छ सहन
•