बालकैदेखि पछ्याइरहे दुःखका भाकाले / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » दुई हरफ ओठहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बहिनी
 
बालकैदेखि पछ्याइरहे दुःखका भाकाले
देखेथेँ टाढा सपना एउटा अनिँदा आँखाले
शान्तिको सास फेरुँला भन्थेँ पुगेर लक्ष्यमा
देख्दिन दाजै मान्छे नै आज मान्छेको पक्षमा
 
यो जिन्दगीको के अर्थ छ र व्यर्थ भो जिउनु
हजार चिरा परेका कथा कसरी सिउनु
पाउँदिन कुनै बलियो धागो उनिन्न विश्वास
रक्ताम्मे हुन्छ पीडाले घोची छातीको निश्वास
 
म घोलूँ भन्छु प्रत्येक शब्द बिहानी रङ्गमा
स्वच्छन्द भई म हिडूँ भन्छु आत्मीय सङ्गमा
न लाग्छ कुनै शुभेच्छा कतै न कुनै कामना
हर एक प्रहर कसरी गरुँ दुःखको सामना ।