दन्क्यो जहाँ धधकधक् गरि खूब आगो ।
सारा तहाँ डरहुने गरि भस्म जागो ।।
तेस्तै प्रचण्ड रिसले जब लाल आँखा ।
पार्यो कि संझ सब सद्गुखण लाग्छ पाखा ।।११०।।
यो जानि शान्ति जल विन्दु हरु फिंजाई ।
त्यो क्रोध बन्हिकन झट्ट वहीं निभाई ।।
त्यस्को विचार परिणाम सबै पछीको ।
पर्नेछ नत्र पछुताउ वडो ननीको ।।१११।।
जस्को छ हातबीचमा दृढ शान्तिदण्ड ।
तेस्को कदापि परदैन न जाति खण्ड ।।
तेस्को समस्त जनमा जय हुन्छ नामी ।
त्यो लोक मोहकर शस्त्र समाउँ हामी ।।११२।।