भारत की संस्कृति के लिए... भाषा की उन्नति के लिए... साहित्य के प्रसार के लिए
रागनी 3 / विजेन्द्र सिंह 'फौजी'
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 12:11, 28 मई 2020 का अवतरण
बिस्तर बाँध कै तैयारी कर ल्यो
जाणा सै जाणा सै जाणा सै
कारगिल क्षेत्र म्हं दुश्मन घुसगे अपणे घर म्हं
आज रात नै चलणा सै रै
हुक्म फौज का ना टलणा सै रै
रातों रात म्हं पहुँचा दयुंगा
ला दयुंगा ला दयुंगा ला दयुंगा
टाप गेयर मैं
आज देश नै जरूत सै म्हारी
दुश्मन तै लड़ने की कर ल्यो तैयारी
नहीं घबराणा जीत कै आणा
पाला जीत का पाला जीत का पाला जीत का
होगा अपणे फेवर म्हं
जब गादड़ की मौत रै आवै
गाम की तरफ वह दौड़ लगावै
मगरमच्छ तै बैर बाँध लिया
घुस कै घुस कै घुस कै
गहरे समन्दर म्हं
विजेन्द्र सिंह कह डोहकी आला
रट ल्यो थम हरि नाम की माला
थारे मन की चाही होज्या
धरो ध्यान रै धरो ध्यान रै धरो ध्यान रै
सच्चे ईश्वर म्हं
तर्ज-पंजाबी (घर म्हं नहीं री कोए देवर तेरा आरया)
