भारत की संस्कृति के लिए... भाषा की उन्नति के लिए... साहित्य के प्रसार के लिए
रागनी 13 / विजेन्द्र सिंह 'फौजी'
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 12:24, 28 मई 2020 का अवतरण ('{{KKGlobal}} {{KKRachna |रचनाकार=विजेन्द्र सिंह 'फौजी' |अनुवादक= |सं...' के साथ नया पृष्ठ बनाया)
दो महीने हो लिए लाल की चिठ्ठी ना आरी
हे बेरा ना किस हाल म्हं होगा मनैं सोच सै भारी
छिड़री सै हे लड़ाई, न्यूं खबर रेडियो पै आई
हे सुणकै मैं घबराई-2
हे मनैं नींद भी ना-2 आई मैं जागी रात सारी
हे मनैं रोटी भी ना भाती, मेरै होरी गात उचाटी
मैं साची बात बताती-2
हे भुंडे-भुंडे-2 मनैं सपने आवैं मैं न्यूं ज़्यादा घबरारी
हे कोन्या मान्या मेरी, होग्या फौज म्हं भर्ती बैरी
थारे आगै साची मैं कहरी-2
हे चा घणा था-2 छोरे कै करुं डयूटी मैं सरकारी
विजेन्द्र सिंह बेचारा, हे वह प्रदेशां म्हं जारा
हे वह नए-नए छंद बणारा-2
हे दोनों बख्ता-2 ज्योत लगाऊँ उंकी रक्षा करै मुरारी
तर्ज-दिल दिवाने का डोला दिलदार के लिए
