भारत की संस्कृति के लिए... भाषा की उन्नति के लिए... साहित्य के प्रसार के लिए
पंचायती / इरशाद अज़ीज़
Kavita Kosh से
आशिष पुरोहित (चर्चा | योगदान) द्वारा परिवर्तित 17:12, 15 जून 2020 का अवतरण
जे थनैं बगत मिलै
तो कदैई आपो आप सूं
बंतळ कर
अर सोध बां सवालां रा जबाब
जिका लोग थनैं पूछै
तो थूं आपै सूं बारै आ जावै
पंचायती करण रो
इतरो ई कोड है तो
कर थारै मांय उठतै
थारै ई खिलाफ
विचारां रै बिचाळै
जिकां सूं थूं भाजतो अर
औला लेंवतो फिरै।
