भारत की संस्कृति के लिए... भाषा की उन्नति के लिए... साहित्य के प्रसार के लिए
अंधारै सूं आफळ / इरशाद अज़ीज़
Kavita Kosh से
आशिष पुरोहित (चर्चा | योगदान) द्वारा परिवर्तित 17:33, 15 जून 2020 का अवतरण ('{{KKGlobal}} {{KKRachna |रचनाकार= इरशाद अज़ीज़ |अनुवादक= |संग्रह= मन...' के साथ नया पृष्ठ बनाया)
कुण दिया थांनै
पीळा चावळ
कुण हेलो कर्यो कै
आवो अर मांडो कवितावां
अंधारै सूं आफळ
बै ईज करसी
जिका आपरै बगत रै
अणमावतै अंधारै सूं नीं डरै
जिका जी सी
बांनै लड़णो पड़सी
नींतर भाग जावो इत्ता दूर
जठै नीं हुवै मिनखपणो
नीं हुवै कवितावां।
