हतियार / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » घर फर्किरहेको मानिस »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

घरअगाडिको खाली चौरमा खेल्दै थिए नानीहरू
‘उनीहरू’ आएर मिसिए त्यो समूहमा

एकैछिनपछि नानीहरूका हातमा थियो बन्दुक
र कसै–कसैका हातमा टल्किरहेथ्यो धारिलो खुकुरी

कोही स्कुल, कोही पसल वा दिनभरिको अफिस
र खेत–खलियान हुँदै आ–आफ्नो कामबाट
आमाबाबुहरू फर्के साँझमा
खोस्न खोजे हतियार, नानीहरूले मानेनन्
फकाएर दिन खोजे रङ्गीन पुस्तक र खेलौनाहरू
केही सीप लागेन !

हतियारका खेलौनामा बानी परिसकेका सन्ततिहरूको
अर्को हतियार आँसु र धम्कीसमेत
निरुपाय हेर्दै थिए अभिभावकहरू

नानीहरू हाम्रो उज्यालो भविष्य हुन्
र उनीहरूको हातमा टल्किरहेछ घातक हतियार !