भारत की संस्कृति के लिए... भाषा की उन्नति के लिए... साहित्य के प्रसार के लिए
सूर्यास्तअघि / भीष्म उप्रेती
Kavita Kosh से
Sirjanbindu (चर्चा | योगदान) द्वारा परिवर्तित 08:53, 24 जुलाई 2020 का अवतरण ('{{KKGlobal}} {{KKRachna |रचनाकार= भीष्म उप्रेती |अनुवादक= |संग्रह= }}...' के साथ नया पृष्ठ बनाया)
जीवन त साह्रै सुन्दर रहेछ ।
सिङ्गै उमेर
तँछाडमछाडमै बित्यो
खेदो खनेर अर्कालाई
गाली गरेर अर्कालाई
काटेर रुखहरू
नासेर मूलहरू
अहंको कालोले
धमिल्याएर प्रेमको निर्मल पोखरी
सिङ्गै जीवन त
रिस, राग र ईष्र्यामै बित्यो ।
अहिले
यो डाँडामाथिबाट
पछाडि फर्केर हेरेको त
कत्ति राम्रो रहेछ सबै
प्रकृति, रङहरू, घामजून, चराहरू, छायाँ
फूल, मान्छे र सपनाहरू
सबै कत्ति राम्रा ।
यही डाँडामाथिबाट हेर्छु
पानीजस्तै बगेर गएको आˆनो उमेर……।
थकथक मात्र लाग्छ
निभ्ने बेलामा बल्ल थाहा भो
जीवन त साह्रै सुन्दर रहेछ ।
