जबतक जिउमा प्राण रहन्छ तबतक गीत म गाइरहुँला
घाँटी र जिभ्रो ठीक रहेतक बोल्ने बोली बोलिरहुँला
चेतन जिउमा बाँचिरहेतक दिलको दर्द पोखिरहुँला
जबतक जिउमा प्राण रहन्छ तबतक गीत म गाइरहुँला ।
हिर्दय यसरी बाँचिरहेतक माया पिति गरिरहुँला
माया ममता बाँकि रहेत का सम्झी सम्झी दिवस गनुँला
जबतक जिउमा प्राण रहन्छ तबतक गीत म गाइरहुँला ।
दुनिया आई रोकिरहेतक बढ्न अगाडि खोजिरहुँला
यो गति यस्तो रहिरहेतक क्रान्ति नबिर्सी गरिरहुँला
जबतक जिउमा प्राण रहन्छ तबतक गीत म गाइरहुँला
................................................
परोपकार, २१३, असार २०११