भारत की संस्कृति के लिए... भाषा की उन्नति के लिए... साहित्य के प्रसार के लिए
डाली लगावा / नीता कुकरेती
Kavita Kosh से
Abhishek Amber (चर्चा | योगदान) द्वारा परिवर्तित 20:50, 15 नवम्बर 2020 का अवतरण
गौं - गौं मा धै लगावा गौं - गौं मा धै लगावा
आवा चला आवा डाली लगावा
खरड़ी हवेन डँाडीं व काँठी रिती ह्वेन फूलू की घाटी
आवा सभी अगनै आवा फल फूलू की डाली लगावा
कँठयू तैं हंसावा ... डाली लगावा......
गौं - गौं मा धै लगावा गौं - गौं मा धै लगावा
नी सुणंदं चखुलू का बोल नी दिखेंन्द घुघतौं का घेाल
आवा सभी अगनै आवा, यूं जगंलू तैं बचावा
चखुलौं तैं बुलावा .....डाली लगावा......
गौं - गौं मा धै लगावा गौं - गौं मा धै लगावा
सुखी गैन गाड गदेरा हरची गैन धारा पंदेरा
कनमा उमा पाणी आलू ,पाणी कनकै छलछळाळू
आज सोच ल्यावा ....डाली लगावा......
गौं - गौं मा धै लगावा गौं - गौं मा धै लगावा
कटेणू च दिन दिन माटू , होणू च दिन दिन घाटू
घाटू कनकै पुरोला , माटू कनकै ऽ बचैला
आज सोच ल्यावा .....डाली लगावा
गौं - गौं मा धै लगावा गौं - गौं मा धै लगावा
