भारत की संस्कृति के लिए... भाषा की उन्नति के लिए... साहित्य के प्रसार के लिए
भुइँ टेकेर बाँच्नेहरू - ५ / रेमिका थापा
Kavita Kosh से
Sirjanbindu (चर्चा | योगदान) द्वारा परिवर्तित 22:36, 2 दिसम्बर 2020 का अवतरण ('{{KKGlobal}} {{KKRachna |रचनाकार=रेमिका थापा |संग्रह= किनाराका आवा...' के साथ नया पृष्ठ बनाया)
पौरखी मगरनी
बिछट्टै राम्रो समला जानेकी !
चिनेकै एजेन्टको माध्यम
डिस्कोमा गाउन थाली ।
मालिक रिझाउन
जानेको समला सप्पै बिर्सिपठाई ।
आहा ! संसारै अँगालोमा बाँधु भन्ने उमेर
सहरमा भने खुट्टा टेक्ने ठाउँ छैन।
मैले डोको घोप्टा'को ठाउँमा
कसको यो बडेमानको बिल्डिङ हँ ?
आफ्नो पनि त यतिञ्जेल
घरजम भइसक्नुपर्ने !
कतिको भरपर्दो होला नी
यो साप्ताहिक मेट्रिमोनियल्स ?
घर-द्वार कोठेबारीसहित
स्थानीय शहरकै कुनै पौरखी मगरको
प्रस्ताव पो आइहाल्ला कि !
