भारत की संस्कृति के लिए... भाषा की उन्नति के लिए... साहित्य के प्रसार के लिए
खाली-खाली प्यार करै / मुकेश कुमार यादव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:41, 30 मार्च 2021 का अवतरण ('{{KKGlobal}} {{KKRachna |रचनाकार=मुकेश कुमार यादव |अनुवादक= |संग्र...' के साथ नया पृष्ठ बनाया)
खाली-खाली प्यार करै, सखी भरमार करै।
देखी जब यार मरै, ज़िया जरी जाय छै॥
भोर भिनसार करै, शिशिर अन्हार करै।
केतना कचार करै, ज़िया डरी जाय छै॥
दिन-रात बात करै, घुमत फिरत रहै।
कहत सुनत डरै, पिया घुरी जाय छै॥
चर-फर करी रहै, फर-फर उड़ी रहै।
चुनरी के देखी कहै, कहाँ उड़ी जाय छै॥
लाख में सुन्दर रहै, हमरो जे वर रहै।
कोठी सानी घर रहै, ज़िया गड़ी जाय छै॥