तिमी आउँदा / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » मलाई जिन्दगी नै दुख्दछ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तिमी आउँदा निदाएको रहेछु भने तिमी नरिसाउनू
ब्यूँझाउनू मलाई तिमीले या छेऊमा आई निदाउनू

कोठा मिलाई केहीबेर पर्खेँ, तर तिमी आइनौ
भान्साका काम धेरै थिए होला शायद तिमीले भ्याइनौ
सकेर काम कोठामा आई सुस्तरी मलाई चियाउनू
ब्यूँझाउनू मलाई तिमीले या छेउमा आई निदाउनू

कोठामा आई ऐनाअगाडि शायद आफैँलाई हेर्दी हौ तिमी
मेरो छेऊ आई आहटले ब्यूँझाउन मलाई खोज्दी हौ तिमी
छेउमा आई औँलाहरूले सुस्तरी मलाई चलाउनू
ब्यूँझाउनू मलाई तिमीले या छेउमा आई निदाउनू