कसरी गाऊँ म गीत / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » मलाई जिन्दगी नै दुख्दछ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

कसरी गाऊँ म गीत, जीवनको मातै नपिई
गाउन पो भन्यौ मलाई, मातिने मौकै नदिई

रिक्तताले भरिएको एक दूरी छ बीचमा
आकृति नै अदृष्य छ, अनुभूति माझमा
भर्न अझै बाँकी नै छ, मन छ पूरै खाली
कसरी गाऊँ म गीत, प्रेमको मातै नपिई
गाउन पो भन्यौ मलाई, मातिने मौकै नदिई

उठाउँछ मलाई र फेरि मलाई लडाउँछ
चोट दिन्छ उहीनै र फेरि उही फकाउँछ
चिनेकै छैन, दुनियाँलाई प्रेमी हो या जाली
कसरी गाऊँ म गीत, भोगाइको मातै नपिई
गाउन पो भन्यौ मलाई, मातिने मौकै नदिई

म उम्कन खोज्दछु, जन्जालले समाउँछ
साधनामा डुबूँ भन्छु, मोहले अल्झाउँछ
गरूँ भक्ति कसरी, लिएर रित्तो मनको थाली
कसरी गाऊँ म गीत, ईश्वरको मातै नपिई
गाउन पो भन्यौ मलाई, मातिने मौकै नदिई