Last modified on 19 जनवरी 2022, at 11:44

सबैबाट तिरस्कृत भए तापनि / वीरेन्द्र पाठक

Sirjanbindu (चर्चा | योगदान) द्वारा परिवर्तित 11:44, 19 जनवरी 2022 का अवतरण ('{{KKGlobal}} {{KKRachna |रचनाकार= वीरेन्द्र पाठक |अनुवादक= |संग्रह=...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)


सबैबाट तिरस्कृत भए तापनि
सबलाई माया गर्ने म मान्छे
तिमीले लत्यायौ तर अझै पनि
तिमीलाई सुखी चाहने म मान्छे।

बाँड्न खोजेर आफ्ना खुसीहरु
भन मैले कति के अपराध गरेँ
तिम्रो हृदयको परिवेशभित्र
अड्न चाहेर किन बरबाद भएँ।

कहानी मेरो यो मेटिदियौ तिमीले
भन बाँच्दैमा मैले के आघात पुर्याएँ
सबैको मन हेर उस्तै न हो
हाँस्न चाहँदैमा किन अपवाद भएँ।