भारत की संस्कृति के लिए... भाषा की उन्नति के लिए... साहित्य के प्रसार के लिए
मलाई खुत्रुक्कै पार्यो जेठान तिम्रो बहिनीले / मित्रसेन
Kavita Kosh से
Sirjanbindu (चर्चा | योगदान) द्वारा परिवर्तित 08:35, 28 जनवरी 2022 का अवतरण
मलाई खुत्रुक्कै पार्यो जेठान तिम्रो बहिनीले
मलाई खुत्रुक्कै पार्यो जेठान तिम्रो बहिनीले
धरतीमुनि पिँडालु त धरतीमाथि गाबा
तिमीसित प्रीति लाउनु कानै पक्रे बाबा
मलाई खुत्रुक्कै पार्यो जेठान तिम्रो बहिनीले
एउटो घर त नेपालैमा आर्को घर त सिम्ले
एउटो छोरा पाउँला भन्थे पोइले आँखा चिम्ले
मलाई खुत्रुक्कै पार्यो जेठान तिम्रो बहिनीले
लाहुरे दाइले खसी काट्यो बोसोमाथि बोसो
बोसो खानु पाइनँ भनी यति लामो चोसो
मलाई खुत्रुक्कै पार्यो जेठान तिम्रो बहिनीले
मदेसेले हलो जोत्यो डल्ला फर्काई फर्काई
मलाई मोहनी लायौ नानी जुल्फी लर्काई लर्काई
मलाई खुत्रुक्कै पार्यो जेठान तिम्रो बहिनीले
