भारत की संस्कृति के लिए... भाषा की उन्नति के लिए... साहित्य के प्रसार के लिए
सर्पले गीत सुन्दैन / हिरा आकाश
Kavita Kosh से
Sirjanbindu (चर्चा | योगदान) द्वारा परिवर्तित 23:42, 3 फ़रवरी 2022 का अवतरण ('{{KKGlobal}} {{KKRachna |रचनाकार=हिरा आकाश |अनुवादक= |संग्रह=आगोका...' के साथ नया पृष्ठ बनाया)
पोखरीको पानी
धमिलिएको छ यतिबेला
उन्मत्त पौडिरहेका माछाहरु देखिदैनन्
मात्र भ्यागुताहरु उफ्रेको देखिन्छन
र,
दाउमा बसेका केही सर्पहरु देखिनछन् ।
सर्पहरु जो भ्यगुता खान पल्केका छन्
सर्पहरु जो मात्र बिषपान गर्न सल्केका छन्
यिनीहरुलाई सग्लो पानीको कुनै वास्ता हुदैन
यिनीहरुलाई पानीभित्र बस्ने
माछाहरुको पनि मतलब हुदैन
यिनीहरुलाई त आहार भए पुग्छ
यिनीहरुलाई त ठुङ्न पाए पुग्छ
चाहे भ्यागुता होस
या फेरि माछाहरु
सर्पलाई बिष पोख्न पाए पुग्छ ।
हो ,
पोखरीको पानी धमिलिएको छ यसबेला
र, सर्पहरु जाप लगाइएरहेछन्
शान्ति यात्रा गरी रहेछन्
दुलो दुलोबाट निस्केर
त्यसैले दर्शनको कुरा नसुनाऊ उनिहरुलाई ।
जहिले पनि
प्रगति र शान्तिको बिरोधी हो सर्प
यसैले सर्पलाई
गरुड पुराण नसुनाऊ
बालुन र बिथोलिन नसुनाऊ
सर्प बहिरो हुन्छ सर्पले गीत सुन्दैन ।
