भारत की संस्कृति के लिए... भाषा की उन्नति के लिए... साहित्य के प्रसार के लिए
खस्रो छाला / पुष्कर लोहनी
Kavita Kosh से
Sirjanbindu (चर्चा | योगदान) द्वारा परिवर्तित 20:14, 16 फ़रवरी 2022 का अवतरण ('{{KKGlobal}} {{KKRachna |रचनाकार= पुष्कर लोहनी |अनुवादक= |संग्रह= }} {{...' के साथ नया पृष्ठ बनाया)
सपना देखेर मात्र पुग्दो रहिनछ
रहरले बेसरी घचघच्याएको
झिम्म गर्न नसकिने आँखा
विपना भएर ठिङ्ग उभिनपुग्छ ।
भित्तै हो कालो पातेको नदेखिने भित्ता
चिप्लिन्छ हातबाट समाइएको अनुहार
पानी- पानीले भरिएको चिप्लो छायाँ
तर्न खोज्दा हातले छेकेर तर्साएको आवाज ।
पोखरी धमिलिन्छ
आवाज छिरेजस्तो झस्काउने झझल्को
जुठो पारिदिएर मिल्काइदिएको मन
मुखैभरि थुकैथुकको छिर्का ।
एकान्त कुना खोज्ने आँखा
भिजेको अनुहार आफ्नै हातले पुछ्नु परेको
घामले पोल्दा टट्याएको खस्रो छाला ।
