झस्किएछ मन मेरो / भैरवनाथ रिमाल कदम

झस्किएछ मन मेरो, झझल्कोमा तिम्रो
आशा किन पलाएछ, कल्पनामा तिम्रो

बालिदिन्छु दीप यहाँ, तिम्रो सम्झनामा
आँधी आई निभाइदिन्छ, रातको शून्यतामा
आशा किन पलाएछ, कल्पनामा तिम्रो

काँच जस्तै चर्किजाने, भाग्य मेरो रहेछ
बगिजाने खोला जस्तै, चाहना यो लाग्छ
आशा किन पलाएछ, कल्पनामा तिम्रो

झस्किएछ मन मेरो, झझल्कोमा तिम्रो।
आशा किन पलाएछ, कल्पनामा तिम्रो।