भारत की संस्कृति के लिए... भाषा की उन्नति के लिए... साहित्य के प्रसार के लिए
नाहीं लेली छोपिया / हरिवंश प्रभात
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:06, 17 मई 2022 का अवतरण ('{{KKGlobal}} {{KKRachna |रचनाकार=हरिवंश प्रभात |अनुवादक= |संग्रह=ग...' के साथ नया पृष्ठ बनाया)
नाहीं लेली छोपिया, नाही रे छतरिया,
अचके में हमरा भिंजवले बदरिया।
कानाफूसी करे सन-सन हवा नीके
हर चले जइसे कवि कलम कई घसीटे,
कोई जइसे तान छेड़े, हाट-बाट डहरिया।
तकिया के फूल जइसे, पानी केरा बुनवां
कहियो भुलाई नाहीं, राती के सपनवां,
निरखे तमाशा जइसे, रूपवा बजरिया।
बहत बेयार से बा एतना अरजिया,
बुझे नाहीं दियवा ना पसरे अन्हरिया,
घर गिरे केकरो ना उजड़े झोपड़िया।
जियरा डेराय ऊपर करिया चदरिया
चुटकी आउ मटकी चलावेला बदरिया,
दादुर, झिंगुर गावे सगरो कजरिया।
गरीबन के होखे डेग-डेग पर छलावा,
पानी के बुलबुला लागे, मकई के लावा,
बरखा के दिन लेतई, भूख के खबरिया।
