भारत की संस्कृति के लिए... भाषा की उन्नति के लिए... साहित्य के प्रसार के लिए
उडीक रौ अरथ / चंद्रप्रकाश देवल
Kavita Kosh से
आशिष पुरोहित (चर्चा | योगदान) द्वारा परिवर्तित 14:41, 17 जुलाई 2022 का अवतरण ('{{KKGlobal}} {{KKRachna |रचनाकार=चंद्रप्रकाश देवल |अनुवादक= |संग...' के साथ नया पृष्ठ बनाया)
जगत री तमाम भासावां में
करणी चावूं
उडीक सबद रौ उल्थौ
पछै ठाळ अेक सागीड़ै
सबद री अवाज
सुथराई सूं चेपणी चावूं
खुद रै लिलाड़
पछै सै कीं बिसराय परौ
पाछौ जावणी चावूं वठै
जठा सूं वहीर व्हियौ हौ
अतरजांमी कदैक तौ पूरैला
किणीक भासा में
उडीक रौ अरथ।
