धेरै देखेँ सपनाहरू / सानु शर्मा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सानु शर्मा »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

धेरै देखेँ सपनाहरू
धेरै समेटेँ रङ्गहरू

इन्द्रेणीको छेउबाट देखेँ
पुतलीको प्वाखबाट समेटेँ
अटाई नअटाई पोल्टा भरी
रङ्गिन सपनाहरू बटुलेँ

अलिकति सपना यसलाई दिएँ
अलिकति सपना उसलाई दिएँ
तिमी पनि आफ्नै थियौ
अलिकति सपना तिमीलाई दिएँ

मनबाट झिकेर मनभरी दिएँ
मुटुबाट निकाली मुटुभरी दिएँ
जहाँ जहाँ खाली देखेँ मैले
त्यहीँ त्यहीँ सपना छरिदिएँ

आकाशमा ती उडिरहेछन्
मेरै सपनामा पौडिरहेछन्
सपनाले रित्तो बनाई मलाई
मेरो रित्तो मनलाई ती हेरिरहेछन्