भारत की संस्कृति के लिए... भाषा की उन्नति के लिए... साहित्य के प्रसार के लिए
मोहको अधूरो यात्रा / सानु शर्मा
Kavita Kosh से
Sirjanbindu (चर्चा | योगदान) द्वारा परिवर्तित 10:17, 10 जुलाई 2024 का अवतरण ('{{KKGlobal}} {{KKRachna |रचनाकार=सानु शर्मा |अनुवादक= |संग्रह= }} {{KKCatKa...' के साथ नया पृष्ठ बनाया)
‘राख क्या !’
‘नाईं, तिमी पहिले राख !’
‘होइन, तिमी राख !’
‘तिमी राख न !’
लम्बिरह्यो
उनीहरूको वार्तालाप ।
माया मात्र होइन
मिठास, मोहकता
र मनुहार पनि थियो संवादमा
जसका कारण
मगमगाइरहेथ्यो प्रेमको फूल ।
आफ्ना सबै काम छोडेर
दुई छेउबाट भनिरहन्छन् उनीहरू
‘अब तीन गनेर
एकैसाथ राखौँ है त !’
‘एक, दुई, तीन !’
तर एक अर्काको सासको धून सुनिन नछोडेपछि
दुबै भन्थे
‘खै त राखेको ? राख न !’
र,
एकपल्ट उसले
राखिदिई फोन
सधैँका लागि !
