मन्दिरको ढुङ्गामा मेरो / सानु शर्मा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सानु शर्मा »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मन्दिरको ढुङ्गामा मेरो आस्थाको भगवान भएजस्तै
मान, नमान तिमी छौ, शाश्वत ममा ज्यान भएजस्तै

छ उस्तै मेरो हाँसो, मेरो मुस्कान सधैँझैँ आज पनि
तर लाग्छ खुसी र रहरहरूको अवसान भएजस्तै

तिमीले दिएका फूलहरू सुके पनि राखेको छु सजाएर
तिमी ठान्छौ मेरो नाम सुन्दा, ठूलै अपमान भएजस्तै

उस्तै छ भीड आउने जानेहरूको जीवनको गोरेटोमा
उभिएको छु घुम्तीमा, हर कोहीसँग अन्जान भएजस्तै

पराईझैँ लाग्छन् कति मानिसहरू बर्सौँ साथमा बिताए पनि
बाँधिन्छ मन पलभरमै कहीँ, युगौँदेखि पहिचान भएजस्तै