जलाएर सपना आँखामा / सानु शर्मा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सानु शर्मा »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जलाएर सपना आँखामा, बिउँझैछु म
बोकेर छातीभरी आगो, हिउँझैँ छु म

जति दियौ सबै लिएँ, हाँसेँ, मुस्कुराएँ,
बचेका छन् आँसु, तिनलाई पिउँदैछु म

पलछिनको साथ थियो तिमीसँगको
बटुली ती समयका टुक्रा सिउँदैछु म

तिमी अझै धडकिरहेछौ यो मुटुभित्र
प्रमाण अरू के दिऊँ भन, जिउँदैछु म

भेटिएलाऊ तिमी भनी आँखा डुलाई हेर्छु
के तिमीलाई पनि कतै भेटिऊँझैँ छु म ?

तेरा चोट बटुलेर गजल लेखेँ मैले, सानु
के तेरा लागि पनि केही लेखिऊँझैँ छु म?