पुस्तान्तरण / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » इत्थंविध चित्र : इत्थंविध कविता »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अनन्तताको एउटा सूक्ष्म क्षणलाई समाएर
अवतरित हुन्छ धरामा
विराटताको एउटा सानो कण ।

हुनुको क्षणिकतालाई जोगाउने कोशिशमा
पालना गर्छ परिवेशका आदेशहरूको
अङ्गीकार गर्छ परिस्थितिका उपहारहरू
र ग्रहण गर्छ समाउन सक्ने जेसुकैहरूलाई ।

जोडिरहन्छ सीप र कौशलका त्यान्द्राहरू
हिँडाइरहन्छ चालका गतिहरूलाई
घोटिरहन्छ वाणी र धुनहरू
उडिरहन्छ कताकता मनभित्रभित्रै ।

स्वार्थहरू जोडिँदैजोडिँदै
बनिँदै जान्छन् सभ्यता र संस्कारहरू
फेरिँदै जान्छन् मान्यता र व्यवहारहरू ।

विलिन भएर जान्छ प्रत्येक सूक्ष्मता
तर
शुरू भइसकेको हुन्छ
अर्को क्षणिकताको अर्को लघुयात्रा
सृष्टिको अनन्त हिँडाइमा केहीबेरको साथ दिनका लागि ।