सम्बन्धन / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » इत्थंविध चित्र : इत्थंविध कविता »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अपूर्ण छ प्रत्येक अस्तित्व
र
जो जति धेरै अस्तिस्तवान छ
ऊ त्यति नै बढी अधूरो छ ।

जीवनकालभरि खोजिरहन्छ हरेकले
आफ्नो पूर्णताका लागि
आफूमा खाली भएको ठाउँ भर्ने कुनै सम्बन्धको ।

घामजून अपूर्ण छन्
र खोजिघुम्छन् आफूलाई पूर्ण गराउने यात्राहरू,
पृथ्वी अपूर्ण छ
र घुमिहिँड्छ आफूलाई पूर्णता प्रदान गर्ने ऋतुहरूको खोजीमा,
हरेक मानिस अपूर्ण छ
र खोजीबस्छ आफ्नो पूर्णताका अनेकानेक अवयवहरूलाई ।

अनेकौँ अनेकसँगको सम्बन्धबिना
अधूरो छ जे केही पनि
अपूर्ण छ जो कोही पनि ।

अरूसँगको सम्बन्ध बिना अपूर्ण छन्
हामीले मानिआएका जुनसुकै ईश्वर पनि ।