यात्रा / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » इत्थंविध चित्र : इत्थंविध कविता »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

 
टेकिहिँडेको जमिनको स्पर्श
फाटेका जुत्ताहरूको शिथिल आवाज
र, मानिसका दुःख र पीडाहरूको सङ्गीत
अपरिमित सौन्दर्य छ यस समयको प्रतिध्वनिमा !

गोडा र बाटाहरूको यात्रामा
यात्रा मात्रै कहाँ छन् र !
कथाहरू पनि छन्
अनेकौँ हिँडाइ र बिसाइहरूका ।

पहिले कहिल्यै नटेकेका छुवाइहरू जोडिएका छन्
निस्किदिएको छ स्वयम् बाटो नै यात्रामा
अन्योलमै छ गन्तव्यको क्षितिज,
अभावले ओस्सिएका बर्खामा विस्कुटजसरी
श्रमको नदीमा चोपिएका यी साँझका पाइलाहरू !

पाइलाहरूसँग गतिरोध पनि छ स्मृतिदंशको
रचनैरचनाका सुन्दर पङ्क्तिहरू मात्र त
कहाँ लेखिनसक्छन् र अनिर्णयको यस अविराम यात्रामा!