भारत की संस्कृति के लिए... भाषा की उन्नति के लिए... साहित्य के प्रसार के लिए
उपज /सत्यप्रकाश जोशी
Kavita Kosh से
Neeraj Daiya (चर्चा | योगदान) द्वारा परिवर्तित 05:50, 19 नवम्बर 2010 का अवतरण (नया पृष्ठ: <poem>आ उपज ! सौ-सौ गुणी बध । आ, धरा सूं, गिगन सूं, नित कळ-मसीनां सूं मिनख …)
आ उपज !
सौ-सौ गुणी बध ।
आ, धरा सूं, गिगन सूं,
नित कळ-मसीनां सूं
मिनख रै बुकियां रो, मन-मगज रो जोर लै
विग्यांन नै इण कांम गाड़ी जोत
कर दै कनक मूंघी रज
आ उपज ! सौ-सौ गुणी सज !
म्हे गिणां संख्या अरब मैं
सब अरब हां पांच
पांच मूंढा जीमवा नै,
पांच तन, सुख पोखवा नै
ब्स अरब हां पांच ।
पण है हाथ म्हारा दस अरब
दस अरब पग है, पंख है
अर ग्यांन रा घर दस अरब
चीज रै लारै फिरै जद चीज री कीमत
आ उपज
सौ-सौ गुणी बध ।
