भारत की संस्कृति के लिए... भाषा की उन्नति के लिए... साहित्य के प्रसार के लिए
दुख / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 16:42, 29 नवम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारी पाँती री चितावां…)
अणमाप खुसी थकां ई
गीली हुय जावै आंख्यां
ओळखां आपां
खुसी रा आंसू
पण असल मांय
दुख बरोबर मौजूद रैवै
मानखै री जूण में।
मिनखाजूण रो दुख
कविता में रळै
संवेदणा रूप
लोक रै कंठा गूंजै
बण‘र गीत।
जद रचीजी धरती
उणींज वेळा
जलम्यो हुवैला दुख
हर जुग
हर रितु
हर वार
दुख अटल है !
अजर अमर है !!
