भारत की संस्कृति के लिए... भाषा की उन्नति के लिए... साहित्य के प्रसार के लिए
थारै मिलणै रो मतळब / मदन गोपाल लढ़ा
Kavita Kosh से
अनिल जनविजय (चर्चा | योगदान) द्वारा परिवर्तित 16:56, 1 दिसम्बर 2010 का अवतरण
थारै पैलै दरसाव
म्हारै हिवड़ै
जलमी एक चावना
कींकर ई तो हुवै
थारै सूं ओळखाणं ।
कैड़ी मुलाकात है आ
ओ म्हारी जोगण।
ज्यूं-ज्यूं
म्हैं थनै जाणुं
खुदोखुद नै बिसरावूं
अंतस री अंधेरी सुरंग में उतरूं।
सांची बता !
थारै मिलण रो मतळब
कठैई म्हारो गमणो तो कोनी ?
