भारत की संस्कृति के लिए... भाषा की उन्नति के लिए... साहित्य के प्रसार के लिए
गरीबी-रेखा / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 17:18, 7 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=उजास रा सुपना / शिवराज भा…)
बै मोकळी कोसिस करै
किंयां ई निकळां बारै
पण
कदै काळ
कदै ओळा
अर कदै धंधै रा रोळा
नीं निकळण दयै
वांनै
उण लीक सूं बा‘रै।
‘शेयर बाजार’ रो
छाळा मारतो सूचकांक
बधा सकै
कम्पनियां री ई.पी.एस (अर्निंग पर शेयर)
पण
घटा नीं सकै
उण लीक नै।
इजगर ज्यूं बधती लीक
सालूं साल
भख लेवै अणूंतै मिनखां रो
अर करै बधेपो
वांरै वंस रो।
