भारत की संस्कृति के लिए... भाषा की उन्नति के लिए... साहित्य के प्रसार के लिए
आजभोलि पँधेरीमा पानी भर्ने / निमेष निखिल
Kavita Kosh से
आजभोलि पँधेरीमा पानी भर्ने छैन कोही
विपत्तिमा आफन्तकै दुःख हर्ने छैन कोही
अभावले अँगालोमा बारम्बार कस्दा पनि
नयनका आँसु पुछी खुसी छर्ने छैन कोही
चौबाटोमै यौटा मान्छे लडेको छ आँखैअछि
मान्छेलाई मान्छे सम्झी सामु पर्ने छैन कोही
हत्केलामा मुटु राखी हिँड्दा पनि 'निखिल'ले
आफ्नै मान्छे सम्झिएर माया गर्ने छैन कोही।
