इन्सान ऐं ईश्वर / अर्जुन ‘शाद’

खु़दा खु़द क़िस्मत जे कैद में काबू आहे
पोइ हू
इन्सान जी क़िसमत खे
कींअ थो मिटाए सघे?
इन्सान खे आईंदे जी ख़बर कान्हे
इन करे हू
जद्दो जहद कंदो रहे थो
ईश्वर इन्सान जे आईंदे खां
अॻमें ई वाक़िफ़ आहे
पर उन खे फेराए नथो सघे
इन करे हू बेवस आहे;
इन्सान खे ॼाण आहे
त हू बि
क़िसमत जे कै़द में काबू आहे
पर तॾहिं बि हू मुकाबिलो कंदो रहे थो
इहा हक़ीक़त
इन्सान खे खुदा खां
बधीक ताक़तवर बणाए थी!